У ліпені і лістападзе 2025 года Цябе чакаюць два адукацыйныя кэмпы.
Што варта зрабіць напрыканцы вясны? Падацца на першую з дзвюх праграм па правах чалавека!
Human Constanta падрыхтавалі 5 дзённую інтэнсіўную праграму: семінары, варкшопы, гульні і працы ў камандах на Human Summer Camp, які адбудзецца 20-25 ліпеня 2025 года ў Польшчы.
Для каго?
Ты даўно хаце_ла даведацца ці якасна разабрацца ў тым, што такое правы чалавека і навошта яны патрэбныя? Альбо Ты плануеш запусціць сваю ініцыятыву ці дадаць каштоўнасці правоў чалавека ў працу дзеючай? То гэты Кэмп менавіта для Цябе: цягам 5-дзённага інтэнсіва мы будзем абмяркоўваць каштоўнасці, разбірацца ў правах чалавека, шляхах і механізмах ажыццяўлення грамадскіх ініцыятыў ды сумесных дзеянняў. Усё навучанне будзе адбывацца шляхам клапатлівай нефармальнай адукацыі.
Важна! На лістапад 2025 у нас запланаваны другі кэмп ад Human Constanta, на які будзе асобны набор. Удзел у любым з іх не патрабуе удзелу ў іншым. Прыярытэт будзе аддавацца тым, хто яшчэ не ўдзельнічалі ў падобных івэнтах. Звяртай увагу на тэмы, каб прыярытызаваць Camp, які цікавіць Цябе больш.
Хто ладзіць Camp?
Эксперт_кі і спецыяліст_кі праваабарончай арганізацыі Human Constanta. Гэта шматгадовы багаты досьвед працы на лакальным і глабальным узроўні з выкарыстоўваннем ўсіх існуючых і неканвенцыянальных механізмаў і інстытутаў па абароне і прасоўванні правоў чалавека.
Што па выніку?
У ліпені 2025 Ты даведаешся на:
- гісторыю, змест, архітэктуру і дасягненні правоў чалавека,
- глыбіннае разуменне каштоўнасцяў правоў чалавека,
- асноўныя дакументы, механізмы, інстытуты і выклікі для правоў чалавека,
- правы чалавека ў штодзённым жыцці людзей і арганізацыяў на прыкладах,
- канцэпцыю негвалтоўнага антыфашызму,
- сувязь правоў чалавека і дэмакратыі, дыджыталізацыі і экстрэмізма (кожная тэма па-асобку),
- што такое лічбавыя правы і як іх бараніць
- як займацца актівізмам бяспечна
- што такое грамадскі інтарэс і якія існуюць інструменты па яго абароне,
- асновы негвалтоўнай і інклюзіўнай камунікацыі.
У лістападзе 2025 Ты даведаешся на
- гісторыю, змест, архітэктуру і дасягненні правоў чалавека,
- глыбіннае разуменне каштоўнасцяў правоў чалавека,
- асноўныя дакументы, механізмы, інстытуты і выклікі для правоў чалавека,
- правы чалавека ў штодзённым жыцці людзей і арганізацыяў на прыкладах,
- канцэпцыю негвалтоўнага антыфашызму,
- сувязь спорта і правоў чалавека,
- сувязь міграцыі і правоў чалавека,
- асновы негвалтоўнай і інклюзіўнай камунікацыі.
Акрамя гэтага Ты атрымаеш магчымасць развіць софт-скілз і мета-кампэтэнцыі, а таксама пазнаёмішся з іншымі людзьмі, якія хочуць бачыць свет вакол сябе пабудаваным на прынцыпах павагі чалавечай годнасці, свабоды, роўнасці і справядлівасці.
Напрыканцы трэнінга Ты атрымаеш сертыфікат аб праходжанні праграмы.
Як патрапіць?
Неабходна запоўніць рэгістрацыйную форму па спасылцы да 23:59 CET 26 траўня 2025 года.
Каб стварыць бяспечную прастору для ўдзельні_ц, мы просім абавязкова ўказаць імёны і кантакты 2 людзей, якія Цябе ведаюць і могуць Цябе верыфікаваць. Гэта могуць быць актывіст_кі, удзельні_цы мінулых праграм Human Constanta, іншых праваабарончых ці грамадскіх арганізацый/ініцыятыў.
Увага: на жаль, мы не прадастаўляем візавую падтрымку.
Аб выніках адбора мы паведамім лістом на пазначаную электронную пошту не пазней за 3 чэрвеня.
Дакладнае месца правядзення Human Summer Camp і іншыя практычныя падрабязнасці мы паведамім адабраным удзельні_цам.
